ТРИДНЕВЕН ТЕРЕНСКИ ПРАКТИКУМ ВО СРБИЈА И РОМАНИЈА

Детали: Посети: 1169

ОДБЕЛЕЖАН РОДЕНДЕНОТ НА ПАТРОНОТ НА ЗПГМ „ПРОФ. Д-Р ЉУБЕ МИЛЕНКОВСКИ“ – СКОПЈЕ

Согласно Годишната програма за работа, Здружението на професори по географија на Македонија „ПРОФ. Д-Р ЉУБЕ МИЛЕНКОВСКИ“ – Скопје, помогнато од Универзитетот за туризам и менаџмент во Скопје, од 3.07 до 6.07.2016 година, реализираше наставно-научна екскурзија во Србија и Романија.

Имено, во наведениот термин, 50 географи, членови на ЗПГМ „ПРОФ. Д-Р ЉУБЕ МИЛЕНКОВСКИ“ – Скопје имаа можност да го посетат Департманот за географија, туризам и хотелиерство на Природно-математичкиот факултет во Нови Сад, каде во нивна чест беше одржано предавање од страна на проф. д-р Владимир Стојановиќ, редовен професор на катедрата за геоекологија. Географските особености и културно-историски карактеристиките на Нови Сад, членовите на здружението ги доживеаа преку неколку часовниот разглед на градот кој го водеше и за кој се погрижи доц. д-р Игор Стаменковиќ, доцент на катедрата за туризам.
По неколкучасовниот престој во Нови Сад, групата се упати кон Белград, со цел посета на културно-историскиот комплекс Калемегдан. Со попатна посета на тврдината Голубац, патувањето тој ден заврши со сместување во хотелот Лепенски Вир во Долни Милановац.
Во вториот ден, групата географи имаше можност да ја посети браната Ѓердап каде што имаше разглед и стручно објаснување од страна на професионален водич. Потоа, целната дестинација на групата беше градот Турну Северин во Романија.
Согласно програмата, патувањето на 5 јули беше крунисано со географска вечер, при што, по втор пат се одбележа роденденот на нашиот патрон проф. д-р Љубе Миленковски, кој воедно е и ден на здружението и кој секоја година се одбележува на истиот датум.
Третиот ден од теренскиот практикум започна со панорамско разгледување на Бор и престој во Соко Бања, по што групата во текот на вечерните часови се врати во Скопје.
Смеата и песната кои беа присутни за време на целото патување, придонесоа оваа мошне напорна маршута, да се помине во ведра атмосфера, а секој член со себе да понесе ново искуство и силни впечатоци.

View the embedded image gallery online at:
https://geograf.mk./novosti/828-2016-07-08-14-20-49#sigProId89bcfd5d68